xitay amérikani agahlandurdi
xitay tashqi ishlar ministiri chin gang amérika qoshma ishtatliri diplomatiye ministiri antoni blinkén bilen téléfonda körüshti.
türkiye awazi radiyosi xewiri: xitay tashqi ishlar ministiri chin gang amérika qoshma ishtatliri diplomatiye ministiri antoni blinkén bilen élip barghan téléfon söhbitide, washingtonni riqabet nami astida xitayning yadroluq menpeetliri we bixeterlikige ziyan yetküzmeslik toghrisida agahlandurdi.
xitay taratqulirining xewirige qarighanda, chin gang xitay – amérika qoshma ishtatliri otturisidiki shar kirizisi sewebidin bikar qilghan béyjing ziyaritini bu hepte emelge ashurushi kütülüwatqan blinkén bilen, uning telipige binaen téléfonda körüshken.
téléfon söhbitide, chin gang béyjingning xitay - amérika qoshma ishtatliri munasiwetliridiki asasliq mesililer toghrisidiki meydanida ching turidighanliqini tekrarlighan, hemde amérika qoshma ishtatlirining «riqabet nami astida xitayning ichki ishlirigha arilishishni, igilik hoquqi we tereqqiyat menpeetige ziyan yetküzüshni toxtitishi kérekliki» ni tekitligen.
amérika qoshma ishtatliri diplomatiye ministiri antoni blinkén xitay sharining amérika hawa boshluqigha kirishi sewebidin otturigha chiqqan krizis netijiside 2-ayda xitaygha qilidighan ziyaritini bikar qilghanidi.
igilinishiche, bu blinkén bilen chin gangning kirizis sewebidin diplomatik alaqe üzülüp qalghandin buyan tunji qétim biwasite téléfonda körüshüshi hésablinidiken.
