سومالى باش مىنىستىرى: ئەششەبابنىڭ سومالىدىكى ھۇجۇملىرى %70 ئازايدى
سومالى باش مىنىستىرى ھەمزە ئابدى باررە يېقىنقى ئالتە ئاي ئىچىدە تېررورلۇق تەشكىلاتى ئەششاباب ھۇجۇملىرىنىڭ %70 ئازايغانلىقىنى ئېلان قىلدى.
![سومالى باش مىنىستىرى: ئەششەبابنىڭ سومالىدىكى ھۇجۇملىرى %70 ئازايدى](http://cdn.trt.net.tr/images/xlarge/rectangle/a7f9/85c4/5ca7/6454c7809cc93.jpg?time=1718519337)
تۈركىيە ئاۋازى رادىيوسى خەۋىرى: باررە سومالى پارلامېنتىدىكى سۆزى جەريانىدا، ئەششابابقا قارشى ئېلىپ بېرىلغان زەربە بېرىش ھەرىكەتلىرى نەتىجىسىدە، تەشكىلاتنىڭ ھۇجۇملىرىنىڭ %70 ئازايغانلىقىغا دائىر ئۇچۇرلارنى ئورتاقلاشتى.
سومالى ئارمىيەسىنىڭ ئەششەبابقا قارشى «بىباھا پىداكارلىق» بىلەن كۈرەش قىلغانلىقىنى بىلدۈرگەن باررە، دۆلەتنىڭ بىخەتەر ھالەتكە كېلىشكە باشلىغانلىقىنى تەكىتلىدى.
ئەششەباب تەشكىلاتى 2000 – يىللارنىڭ ئوتتۇرىلىرىدىن باشلاپ موقدىشۇ ھۆكۈمىتىنى ئاغدۇرۇپ تاشلاشقا ئۇرۇنۇپ كەلمەكتە.
بىر تەرەپتە سومالى ئارمىيەسى ئەششەبابقا زەربە بېرىش ھەرىكەتلىرىنى، يەنە بىر تەرەپتە، تېررورلۇق تەشكىلاتى ئەششەباب پات – پاتلا ئاھالىلەر رايونلىرى ۋە ھەربىي ئورۇنلارغا ھۇجۇم قىلىشنى داۋاملاشتۇرماقتا.
ئەششەباب تەشكىلاتى يەنە سومالىنىڭ قوشنىسى كېنىيەدىمۇ پات - پاتلا تېررورلۇق ھەرىكەتلىرىنى ئېلىپ بارماقتا.
مۇناسىۋەتلىك خەۋەرلەر
![7 دۆلەت گۇرۇھى باشلىقلار يىغىنى باياننامەسى ئېلان قىلىندى](http://cdn.trt.net.tr/images/medium/rectangle/88fc/55f6/1436/666d338a35568.jpg?time=1718519338)
7 دۆلەت گۇرۇھى باشلىقلار يىغىنى باياننامەسى ئېلان قىلىندى
50 – نۆۋەتلىك 7 دۆلەت گۇرۇھى باشلىقلار يىغىنى باياننامە ئېلان قىلىنىش بىلەن ئاخىرلاشتى.