قاراتاغدا پەلەستىننى قوللاش پائالىيىتى ئۆتكۈزۈلدى

تۈركىيە ئاۋازى رادىيوسى خەۋىرى: پودگورىتسادا پەلەستىن بىلەن ھەمكارلىشىش ھەرىكىتى تەرىپىدىن «ئىرقىي قىرغىنچىلىقنى توختىتىڭ!»، «پەلەستىنگە ئەركىنلىك بېرىلسۇن!» شوئارى ئاستىدا ئۇيۇشتۇرۇلغان پائالىيەتگە ئونلارچە ۋېلىسىپىت مىنگۈچىلەر قاتناشتى.

قاراتاغ پارلامېنتىنى «ئىسرائىلىيەنىڭ پەلەستىندە سادىر قىلىۋاتقان جىنايەتلىرىنى ئەيىبلەيدىغان قارارنى ماقۇللاش» قا چاقىرغان بىر قىسىم ۋېلىسىپىت مىنگۈچىلەر، «پەلەستىنگە ئەركىنلىك بېرىلسۇن!»، «چۈنكى ئەركىنلىك ئىمتىياز ئەمەس، بەلكى پەلەستىن خەلقىنىڭ ھەق – ھوقۇقىدۇر» دېگەن خەتلەر يېزىلغان مايكا كىيدى.

پائالىيەت ساقچىلارنىڭ نازارىتى ئاستىدا تىنچ ئاخىرلاشتى.