лавров: б д т ниң җазалар һәққидә келишим һасил қилиш урунушлири нәтиҗисиз қалди

түркийә авази радийоси хәвири: русийә ташқи ишлар министири сергей лавров бирләшкән дөләтләр тәшкилати (б д т) ниң қара деңиз ашлиқ каридори келишими һәққидә хизмәтләрни ишләватқанлиқи, русийәгә қаритилған җазалар тоғрисида келишим һасил қилишқа урунуватқанлиқини, әмма у тиришчанлиқларниң үнүми болмиғанлиқини ейтти.

русийә ташқи ишлар министири сергей лавров б д т да өткүзүлгән мухбирларни күтүвелиш йиғинида, б д т баш катипи антонийо гутерресниң русийә пирезиденти виладимир путинға йоллиған қара деңиз ашлиқ каридори келишимигә мунасивәтлик мәктупиниң «ашкарилинип кетиши»ниң әһмийитини тәкитлиди.

гутерресниң б д т билән русийә оттурисида оғут вә йемәклик експорти тоғрисида имзаланған рамка келишими алдидики тосалғуларни түгитиш үчүн күч чиқарғанлиқини тилға алған министир лавров: «мән б д т ниң тоғра йөнилиштә тиришчанлиқ көрсәтмигәнликини оттуриға қойалмаймән. гутеррес вә б д т инсанпәрвәрлик ишлири кординатсийә ишханиси һәр қайси дөләтләр йолға қойған қанунсиз җазалар һәққидә келишим һасил қилишқа урунуватиду. әмма, әмәлийәттә, ашлиқ каридори келишимигә мунасивәтлик тиришчанлиқларниң нәтиҗигә еришкини  йоқ» дегәнләрни қәйт қилди.