белгийә баш министири түркийә билән узун муддәтлик һәмкарлиқни тәкитлиди
белгийә баш министири александер де кро 6-феврал түркийәдә йүз бәргән қаһраманмараш йәр тәврәш апәтлиридин кейин, дөлитиниң һатайда дала дохтурханиси қурғанлиқини вә уларниң узун муддәтлик йардәмлирини давамлаштуридиғанлиқини әскәртти.
түркийә авази радийоси хәвири: белгийә баш министири александер де кро түнүгүн (17-апрел) кәчтә пайтәхт бирйусселда бир топ мусулман йашлар тәшкиллигән иптар пирограммисиға қатнашти.
александер де кро иптардики нутуқида, түркийәдә йүз бәргән йәр тәврәштин кейин, белгийә вә түркийәдә йашайдиған түрк җамаитигә һәмкарлиқни тәкитләп: «белгийәдә һәмишә һәмкарлиқ бар, нурғун кишиләр һәр күни йардәм паалийәтлири үчүн актиплиқ билән тиришиватиду» деди.
де кро белгийәниң һатайда дохтурхана қурғанлиқини әскәртип: «бу дохтурхана һазирму бар, һәр күни 70-80 киши давалиниватиду. бу дохтурхана бизниң у йәрдә узунғичә туридиғанлиқимизни вә йардәм қилидиғанлиқимизни көрситип бериду. түркийәдики йәр тәврәш туйуқсиз вә қорқунчлуқ болған болуши мумкин, әмма кишиләрниң бу апәтни йиңидиғанлиқини билимиз. у йәрни қайта қуруп чиқимиз, техиму күчлүк җәмийәт бәрпа қилимиз. белгийә билән түркийә оттурисидики бу һәмкарлиқ толиму гүзәл» деди.