америкада вухән вирусиниң хитай тәҗрибиханисидин чиққанлиқиға даир йәкүн чиқирилди
американиң хитайда турушлуқ баш әлчиси николас бурнс хитайниң ковид-19 вирусиниң мәнбәси тоғрисида «техиму сәмимий» болуши керәкликини ейтти.
түркийә авази радийоси хәвири: америка мәтбуатлириниң хәвиригә асасланғанда, федератсийә тәкшүрүш идарисиниң бир хадими хитайниң вухән вабасидики вирусниң тәҗрибиханидин келип чиққан болуши мумкинликигә даир тәтқиқат нәтиҗисини доклат қилғандин кейин, американиң хитайда турушлуқ баш әлчиси николас бурнс мәзкур байанатини елан қилған.
хитай болса, бу әйибләшләргә қарита «ковид -19 сийасийлаштурулмаслиқи керәк» дәп җаваб қайтурған.
бурнис дүшәнбә (27-феврал) америка сода уйушмисиниң йиғилишида сөз қилип: «хитай үч йил илгири вухәндә йүз бәргән ишлар вә ковид -19 киризисиниң мәнбәси тоғрисида техиму сәмимий болуши керәк» деди.
америка мәтбуатлириниң байанатида, америка енергийә министирлиқи мәхпий истихбарат дәлил - пакитида, вирусниң еһтийатсизлиқтин хитай тәҗрибиханисидин чиқип кәткәнликигә даир йәкүн чиқирилғанлиқи билдүрүлди.
ақсарай дөләт бихәтәрлик байанатчиси җон кирби дүшәнбә күни кәчтә буиңға җаваб берип, америка һөкүмитиниң бу мәсилә тоғрисида ениқ бирәр қарар чиқармиғанлиқини ейтқан иди.
