нато сербийәниң тәлипини рәт қилди

түркийә авази радийоси хәвири: сербийә пирезиденти александир вуҗич, натониң сербийәниң, косово тинчлиқ сақлаш қисимлириниң косовониң шималиға әскәр вә сақчи әвәтиши тоғрисидики илтимасини рәт қилғанлиқини уқтурди.

вучич, б д т хәвпсизлик кеңишиниң 1244-номурлуқ қарариниң косово тинчлиқ сақлаш қисимлирини сербийәниң тәлипини рәт қилиш һоқуқи билән тәминлимәйдиғанлиқини оттуриға қойди.

у, сербийә армийәсиниң косоводики сербларни қоғдашқа мәҗбурлинип қелишини халимайдиғанлиқини билдүрүп, сербийә армийәсиниң «илгирикидин он һәссә күчлүк» икәнликини әскәртти.

сербийә, косовониң шималидики серибларниң һайатиниң бихәтәр әмәсликини илгири сүрүп, косово тинчлиқ сақлаш қисимлириға косовониң шималиға 1000 кишилик һәрбий вә сақчи әвәтиш тоғрисида илтимас сунғаниди.

сербийәниң бу тәлипи косовониң күчлүк наразилиқини қозғиған, косово пирезиденти воса османи «сербийә армийәсиниң буниңдин кейин косовоға қәтий қәдәм басмайдиғанлиқи»ни ейтқаниди.