шиветсийә натоға әза болуш йолидики мәҗбурийәтлирини ада қилидиғанлиқини билдүрди

түркийә авази радийоси хәвири: шиветсийә баш министири улф киристерсон фирансийәниң пайтәхти парижға қаратқан дөләт ишлири зийаритиниң бир қисми сүпитидә елисе сарийида пирезидент еммануел макрон билән айрим учришиштин илгири илгири қошма мухбирларни күтүвелиш йиғини ачти.

киристерсон, фирансийәниң шиветсийә билән финландийәниң натоға әза болушини қоллиғанлиқи вә бихәтәрлик капалитигә миннәтдарлиқ билдүрүп. «шималий атлантик әһди тәшкилати — натоға қетилиш үчүн қилидиғанлиқимизни җакарлиған ишларни елан қилғинимиз бойичә қиливатимиз» деди.

киристерсон, йавропа охшимиған кризисларға дуч кәлгән бир пәйттә, шиветсийәниң йавропа иттипақиниң нөвәтчи рәисликини өткүзүвалғанлиқиға ишарәт қилип, бу киризисларниң әң начириниң 24-февралдин буйан давам қиливатқан украина-русийә уруши икәнликини оттуриға қойди.

«украинаниң ғәлибиси йавропа шундақла пүткүл дунйа үчүн интайин муһим» дегән киристерсон, енергийә, килимат киризиси вә пул пахаллиқиниң өрләп кетиши қатарлиқ мәсилиләрни үстидиму тохтилип өтти.