украинада 14 милйон 500 миңдин артуқ киши дөләтни тәрк әтти
русийә украинада уруш қозғиған 24 – февралдин (2022) буйан 14 милйон 500 миңдин артуқ украиналиқниң дөләтни тәрк әткәнлики билдүрүлди.
1913668
түркийә авази радийоси хәвири: украина парламенти кишилик һоқуқ комиссари димитро лубинетс, бу һәқтә елан қилған йазма байанатида, мундақ деди: «русийә украинада уруш қозғиған 24 – февралдин буйан 14 милйон 500 миңдин артуқ украиналиқ дөләтни тәрк әтти. булардин кәм дегәндә 11 милйон 700 миң киши йавропа иттипақи дөләтлиригә кәтти. 7 милйон 700 миң киши йавропада вақитлиқ қоғдиниш мулазимитигә еришкүчи сүпитидә тизимға елинди.»
у йәнә, давамлишиватқан уруш сәвәбидин 4 милйон 700 миң украиналиқниң өй-маканлиридин айрилип қалғанлиқиниму сөзлиригә илавә қилди.
