украина йардәмләрниң тезликтә йәткүзүлүшини тәләп қилди

түркийә авази радийоси хәвири: украина ташқи ишлар министири дмитро кулеба нато ташқи ишлар министирлири йиғини өткүзүлгән руменийә пайтәхти бухарестта, нато баш катипи столтенберг мухбирларға байанат бәрди.

у илгириму натодин қорал-йарағ тәләп қилғанлиқлирини, қорал-йарағ берилгәнлики үчүн русийә бесивалған земинларниң көпинчисиниң қайтурувалғанлиқлирини билдүрүп, қилинидиған йардәмләрниң тезликтә әвәтилишини тәләп қилди.

у: «русийәни мәғлуб қилалайдиғанлиқимизни испатлидуқ. қорал-йарағлар вә ғәрб дөләтлиридики қорал-йарағ ишләпчиқириш тоғрисидики қарарлар вә буларни тапшуруп бериш ишлири техиму тез болуши керәк» деди.

у йәнә мундақ деди:

«биз һава қоғдиниш системилириға еһтийаҗлиқ. бизгә айрис (Iris), хавк (Hawk), <вәтәнпәрвәр> системилири керәк. бәзи үскүниләр вә генераторлиримиз болған әһвалда өзимизниң енергийә истансисилирини қайта ишқа кириштүрүп, хәлқни йахши турмуш шараитлириға игә қилалаймиз. һава қоғдиниш системимиз болса ул-әслиһәлиримизни русийәниң кейинки башқурулидиған бомбилириға қарши қоғдийалаймиз.»

русийә 24-феврал (2022) украинаға қарши таҗавузчилиқ уруши қозғиған иди.