б д т русийәни назарәт астидики намайишчиларни дәрһал қойуп беришкә чақирди
бирләшкән дөләтләр тәшкилати (б д т), русийә һөкүмитиниң украинаға қарши сәпәрвәрлик еланиға наразилиқ билдүргәнләрниң назарәт астиға елинишиға наразилиқ билдүрди.
түркийә авази радийоси хәвири: б д т кишилик һоқуқ алий комиссари байанатчиси равина шамдасани б д т җәнвә ишханисиниң һәптилик мухбирларни күтүвелиш йиғинидики сөзи җәрйанида, русийәдә йеқинқи бир һәптидин буйан давамлишиватқан сәпәрвәрлик еланиға қарши намайишлар тоғрисида тохтилип, намайишлар башланған 21 - сентәбирдин буйан 2377 намайишчиниң қолға елинғанлиқини, назарәт астидикиләрниң һәқиқий саниниң ениқ әмәсликини тәкитлиди.
йеқинқи үч күндин буйан дағистан аптоном җумһурийитидиму намайишларниң давамлишиватқанлиқини билдүргән шәмдасани, пайтәхт махачқәләдә намайишчилар билән сақчилар оттурисида тоқунуш йүз бәргәнликини, тоқунуш җәрйанида нәччә он кишиниң назарәт астиға елинғанлиқини әскәртти.
у, тинч намайиш өткүзүш вә пикир әркинликиниң кишилик һоқуқ икәнликигә ишарәт қилип, даириләрни халиғанчә қолға елинған намайишчиларни дәрһал қойуп беришкә чақирди.
русийә пирезиденти виладимир путин 21-сентәбир украинаға қарши урушқа берилидиған һәрбий йардәмни күчәйтиш үчүн қисмән сәпәрвәрлик елан қилғаниди.
