блинкен: хитайниң һәрикәтлири америка-йапонийә һәмкарлиқини күчәйтти

түркийә авази радийоси хәвири: америка ташқи ишлар министири антони блинкен камбоджа пайтәхти фином пенда өткүзүлгән русийә ташқи ишлар министири сергей лавров вә хитай ташқи ишлар министири ваң йиму қатнашқан шәрқий асийа ташқи ишлар министирлири йиғиниға қатнашти.

у йиғиндин кейин, мухбирларниң зийаритини қобул қилип: «хитай тәйвән боғузи вә әтрапидики күшкүртчилик характеридики һәрбий паалийәтлирини көпәйтиш үчүн америка авам палатасиниң башлиқи нәнси пелоси ханимниң зийаритигә һәддидин ташқири инкас қайтурушни һәмдә уни баһанә қилип пайдилиниш йолини таллиди» деди.

у йәнә, «хитайниң хәтәрлик һәрикәтлири» сәвәбидин американиң йапонийә билән «күчлүк һәмкарлишиш» ичидә икәнликини тәкитлиди.

хитай америка авам палатаси башлиқи нәнси пелоси ханимниң 2-авғусттики (2022) тәйвән зийаритини сәвәб көрситип, тәйвән арили әтрапида маневир башлиған иди.

хитай маневирда қойуп бәргән башқурулидиған бомбиларниң тәйвәнгә йеқин җайларға, мундақчә ейтқанда, шимали, җәнуби вә шәрқий районлириға чүшкән иди.