маймун чечики вируси тоғрисида йеңи мәлумат елан қилинди

түркийә авази радийоси хәвири: дунйа сәһийә тәшкилати баш директори тедрос адханом ғебрейесус тәшкилатниң җәнвәдики баш мәркизидә мухбирларни күтүвелиш йиғини чақирип, маймун чечики вирусиға мунасивәтлик йеңи өзгиришләрни елан қилди.

у дунйа сәһийә тәшкилатиниң һазирғичә 78 дөләттә маймун чечики вирусиға мунасивәтлик 18 миң вәқәни тоғрилиғанлиқини билдүрүп: «вәқәләрниң %70 ни дунйа сәһийә тәшкилатиниң йавропа райони, %25 ни америка райони игәлләйду» деди.

у маймун чечики билән йуқумланған бимарларниң %10 ниң дохтурханида даваланғанлиқини әскәртип: «дөләтләр, җәмийәтләр вә кишиләр бу хәтәргә әстайидил қарап, алдини елиш үчүн зөрүр тәдбирләрни йолға қойса, вирусниң тарқилишини тизгинлигили болиду» деди.