رۇسىيە قىسىملىرى ئۇكرائىنانىڭ خاركىۋ شەھىرىگە ھۇجۇم قىلىپ،  ئۈچ پۇقرانىڭ جېنىغا زامىن بولدى

تۈركىيە ئاۋازى رادىيوسى خەۋىرى: ئاپتوبۇس بېكىتىگە يېقىن جايدا كىشىلەر ئاپتوبۇسنى ساقلاۋاتقان پەيتتە پارتلاش يۈز بەرگەنلىكى  ئۇقتۇرۇلدى.

يەنە بىر تەرەپتىن ئۇكرائىنا قىسىملىرى رۇسىيەنىڭ جەنۇبىدىكى ئۇكرائىنا چېگراسىغا يېقىن يېزا-كەنتلەرگە ھۇجۇم قىلدى.

بېلگورود رايونى ۋالىيسى ۋىياچېسلاۋ گلادكوۋ ئىجتىمائىي ئالاقە تورىدا ئېلان قىلغان باياناتىدا، ئۇكرائىنا قىسىملىرىنىڭ جۇراۋلېۋكا ۋە نېخوتېيېۋكا يېزىلىرىغا قارىتىپ 5 زەمبىرەك ئوقى ئاتقانلىقىنى ۋە پارتىلاش نەتىجىسىدە بىر پۇقرانىڭ قازا قىلغانلىقىنى ۋە بەزى ئۆيلەرنىڭ زىيانغا ئۇچرىغانلىقىنى بىلدۈردى.