нигерийәдә католик черкави қанлиқ һуҗумға учриди
нигерийәниң ондо иштатидики бир черкавға қилинған һуҗумда, әң аз дегәндә, 50 киши җенидин айрилди.
түркийә авази радийоси хәвири: нигерийәниң ондо иштатида нам-шәрипини ашкарилашни халимиған бир дохтур мухбирниң зийаритини қобул қилип, ондо иштатиниң аво районидики бир черкавниң һуҗумға учриғанлиқини, һуҗумда әң аз дегәндә 50 кишиниң җенидин айрилғанлиқини вә нурғун кишиниң йариланғанлиқини билдүрди.
нигерийә пирезиденти муһәммәд бухари һуҗумни әйибләп: «немә болушидин қәтийнәзәр, бу дөләт начар вә хаин кишиләргә бойун әгмәйду, қараңғулуқ айдиңлиқ үстидин ғәлбә қилалмайду» деди.
ондо иштатиниң валийси ротими акәрәдолу вәқәгә, «бигунаһ кишиләргә пәскәшләрчә вә шәйтанчә қилинған һуҗум» дәп баһа бәрди.
у вәқә йүз бәргән җайға хәвпсизлик күчлириниң әвәтилгәнлиқини вә һуҗумға мунасивәтлик тәкшүрүшләрниң давамлишиватқанлиқини билдүрди.
нигерийә таатқулиридики хәвәрләрдә көрситилишичә, кимлики намәлум қораллиқ кишиләр ондо иштатиға қарашлиқ ово районидики католик черкавиға ибадәт қилиниватқан пәйттә һуҗум қилған.
