нато балтиқ деңизида маневир өткүзүшкә тәййарланмақта
шималий атлантик әһди тәшкилати — нато, он нәччә дөләтниң нәччә он уруш айропилани вә 7 миң әскириниң иштирак қилиши билән балтиқ деңизида маневир өткүзүшкә тәййарлиқ қилмақта.
түркийә авази радийоси хәвири: нато байанат елан қилип, түркийә, белгийә, булғарийә, данийә, естонийә, финландийә, франсийә, германийә, латвийә, литванийә, голландийә, норвегийә, полша, шивитсийә, әнгилийә вә америка қатарлиқ дөләтләр иштирак қилидиған «балтиқ һәрбий һәрикәтлири – 22» намлиқ 51 – нөвәтлик деңиз маневириниң 5-ийундин 17-ийунғичә болған арилиқта өткүзүлидиғанлиқини؛ маневирға 45 парахот, кәм дегәндә 75 айропилан вә тәхминән 7 миң әскәрниң иштирак қилидиғанлиқини уқтурди.
балтиқ деңизи райониниң қатнаш әркинлики вә бихәтәрликини қоғдаш имканийәтлирини күчәйтишни мәқсәт қилған маневирда, суда һәрикәт қилиш, оқ чиқириш техникилири, су асти парахотиға қарши һәрбий һәрикәтләрни елип бериш, һава мудапиә маневири, мина тазилаш, партлатқуч чувуш, шопурсиз су асти аппаратлири вә давалаш усуллири қатарлиқ һәр хил түрләр бойичә мәшиқләр елип берилиду.
1972- йилидин буйан мунтизм һалда давамлишиватқан «балтиқ һәрикәтлири – 22 »гә бу йил шиветсийә саһибханлиқ қилиду.
