байдин филиппин пирезидентини тәбриклиди
америка қошма иштатлири пирезиденти җо байдин филиппиндә пирезидент сайлимида ғәлибә қилған фердинанд маркосни тәбриклиди.
түркийә авази радийоси хәвири: ақсарай тәрипидин елан қилинған йазма байанатта билдүрүлүшичә, пирезидент байдин, филиппиндә пирезидент сайлимида ғәлибә қилған фердинанд маркоска телефон қилип, униң ғәлибисини тәбриклигән, шундақла, маркосқа, йеңи дәврдиму америка қошма иштатлири – филиппин мунасивәтлирини йәниму йүксәк сәвийәгә йәткүзүш нийити барлиқини қәйт қилған, һәмдә икки тәрәп мунасивәтлири вә районлуқ мәсилиләрдә өзара пикир алмаштурушниң наһайити зор әһмийәткә игә икәнликини тәкитлигән.
филиппин сайлам комитети (COMELEC) ниң ғәйрий рәсмий санлиқ мәлуматлириға қариғанда, маркос дүшәнбә күнидики сайламда% 58.92 аваз билән ғәлибә қилған. маркосниң әң чоң рәқиби лени робредо, % 28.11 авазға еришкән.
байанатта тәкитлинишичә, сайлам нәтиҗиси рәсмий тәстиқланғандин кейин, маркос һазирқи пирезидент родриго дутертнидин пирезидентлиқ вәзиписини өткүзүвалидикән.
