исраилийә қар топи ташлиғанлиқи сәвәблик пәләстинликләрни тутқун қилди
исраилийә сақчилири ишғал астидики шәрқий қуддуста «сақчи машинисиға қар топи етиш» җинайити билән әйибләп 3 пәләстинликни тутқун қилди.
1769698
түркийә авази радийоси хәвири: исраилийәниң «‹Yedioth Ahranot› гезити» ниң хәвәр қилишичә, йеқинқи 24 саәт ичидә, шәрқий қуддусниң охшимиған җайлирида йүз бәргән вәқәләрдә, исраилийә дөләт хәвпсизлик күчлири тәрипидин тутқун қилинған пәләстинликләрниң сани 24 кә йәткән.
хәвәрдә дейилишичә, исраилийә сақчилири, ишғал астидики шәрқий қуддуста «сақчи машинисиға қар топи етиш» җинайити билән әйибләп, 2 балинини өз ичигә алған 3 пәләстинликни тутқун қилған.
игилинишичә, ийордан дәрйасиниң ғәрбий қирғиқи вә шәрқий қуддуста айаллар вә балиларни өз ичигә алған бир қисим пәләстинликләрни тутқун қилиш адәткә айланған болуп, тутқун қилинған бәзи пәләстинликләр, күнләрчә назарәт астиға елиш мәркәзлиридә тутулидикән.
