хәлқара қизил кирест комитети ефийопийәгә инсанпәрвәрлик йардәм әвәтишни чақириқ қилди

түркийә авази радийоси хәвири: хәлқара қизил кирест комитети башлиқи петер маврер (Peter Maurer) үч күнлүк ефийопийә зийаритидин кейин, комитетниң шивейтсарийәниң җәнвәдики мәркизидә ахбарат елан қилиш йиғини өткүзүп, ефийопийәниң нөвәттики вәзийити үстидә тохталди.

у йеқинқи һәптиләрдә ефийопийәниң шималидики тиграй вә қошна шәһәрләрдә тоқунушларниң көпийиватқанлиқини әскәртип: <<йүз бәргән тоқунушлар, күндилик еһтийаҗ лазимәтликлирини тәминләшкә тосқунлуқ қилип, сәһийә системисини паләч қилип қойған. пуқралар һайатий әһмийәткә еһтийаҗлирини қамдаштин мәһрум әһвалда>> деди.

у тоқунушлар күндилик турмушқа сәлбий тәсир көрсәткән районларда нурғун аилиниң йемәк-ичмәк вә тиббий буйумларға еһтийаҗи барлиқини тәкитләп, вәзийәт мушундақ тәрәққий қилғанда, пуқраларниң узунға созулидиған сәһийә мәсилилиригә йолуқидиғанлиқи тоғрисида агаһландурди.

ефийопийә армийәсиниң 2020-йили нойабирда исйанчи тиграй хәлқ азадлиқ фиронтиға қарши башлиған һәрбий һәрикити давамлашмақта.

ефийопийәниң шималида 11 айдин буйан давамлишиватқан тоқунушлар, тәхминән 2.5 милйон кишиниң йурт-маканлиридин айрилишиға сәвәб болған болуп, районда 5 милйондин артуқ киши җиддий инсанпәрвәрлик йардәмгә моһтаҗ әһвалда.