руһани: сөһбәтләр урушниң алдини алди
иран пирезиденти һәсән руһани, сөһбәтләрниң иранға қилинмақчи болған кәскин бир мәйдан урушниң алдини алғанлиқини ейтти.
түркийә авази радийоси хәвири: иран пирезиденти һәсән руһани, 2013-йили вәзипигә олтурғанда, өзлирини уруш вә тинчлиқтин ибарәт икки ишниң бирини таллаштин биарәт бир йолниң күтүп туруватқанлиқини, нәтиҗидә сөһбәт арқилиқ урушниң алдини алғанлиқлирини ейтти.
һәсән руһани пирезидент болуш сүпити билән иран дөләт телевизийәсигә бәргән ахирқи қетимлиқ байанатида, фирансийәниң пайтәхти париждики зийарити җәрйанида фирансийәниң сабиқ пирезиденти фирансуа оландниң униңға: «5 + 1 дөләтлири (америка, хитай, русийә, әнглийә, фирансийә вә германийә) болуш сүпитимиз билән, иранға қарши қәтий уруш ечишни қарар қилғанидуқ. бирақ, сиз вәзипигә олтуруп, сөһбәт өткүзүшкә тәййар икәнликиңизни җакарлиғандин кейин, биз уруштин ваз кәчтуқ» дегәнликини әслтиип өтти вә сөзини давамлаштуруп: «мән вәзипигә олтурғанда алдимда йа дунйаға қарши урушқа кириш йаки тинчлиқ орнитиштин ибарәт икки йол бар иди. чарә дипломатийә вә сөһбәтләр иди. сөһбәтләр урушниң алдини алди» дегәнләрни қәйт қилди.
йадро келишимидә 5 + 1 дөләтлири билән көрүшкәнликлирини, әмма әмәлийәттә иранниң америка билән сөһбәт өткүзгәнликини билдүргән руһани: «бүгүнму биз асасән америка билән сөһбәтлишиватимиз. (австрийәниң пайтәхти) вийеннада 4 + 1 дөләтлири (германийә, әнглийә, фирансийә, хитай, русийә) билән сөзлишиватимиз, бирақ, әмәлийәттә сөһбәтниң йәнә бир тәрипи америка қошма иштатлиридур» деди.
иранниң келәр нөвәтлик һөкүмитиниң әң муһим күнтәртипиниң сөһбәт болидиғанлиқини тәкитлигән руһани: «мунасивәт орнитиштин башқа һечқандақ чарә йоқ» дегәнләрни сөзлиригә илавә қилди.
