флойидни өлтүргән сақчи қамақ җазасиға һөкүм қилинди
америкада теги африқалиқ америка пуқраси җорҗ флойидни өлтүрүш җинайити билән әйибләнгән сабиқ сақчи дерек шавин 22.5 йиллиқ қамақ җазасиға һөкүм қилинди.
1665154
түркийә авази радийоси хәвири: миннесота иштати хеннепин районлуқ сот мәһкимиси, 2020 -йили майда җорҗ флойдни қолға елиш әснасида һоқуқидин қалаймиқан пайдиланған сабиқ сақчи шаввинни 2-вә 3-дәриҗилик қәстләп өлтүрүш вә 2- дәриҗилик адәм өлтүрүш җинайити билән әйибләп, 22.5 йиллиқ қамақ җазасиға һөкүм қилди.
сақчи шавин, 2020-йили 5-айниң 25-күни миннесота иштатиниң миннеполис шәһиридә теги африқалиқ америка пуқраси флойидни алдамчилиқ җинайити садир қилиш шубһиси билән қолға елиш җәрйанида, униң «тиналмайватимән» дәп йалвурушлириға қаримай, 9 минут 29 сикунт бойичә тизи билән бойниға бесип өлүп кетишигә сәвәб болған, бу вәқә америка вә дунйаниң һәр қайси җайлирида кәң көләмлик наразилиқ намайишлирини кәлтүрүп чиқарғаниди.
