даллас шәһири әтрапида қорқунчлиқ җинайәт йүз бәрди
америка тексас иштатиниң даллас шәһири әтрапида, икки ака-ука қорқунчлиқ җинайәт өткүзди.
түркийә авази радийоси хәвири: америка тексас иштатиниң даллас шәһири әтрапида, икки ака-ука аилилиридин төт кишини өлтүрүп, арқидин өзлирини өлтүрүвалди.
даллас сақчилири шәһәр әтрапидики бир өйдә алтә кишиниң җансиз бәдинини тапти. өлгәнләрниң бир аилә кишилири икәнлики қәйт қилинди.
сақчилар өлгән кишиләрниң кимликлирини елан қилмиди, әмма буларниң бир аилә кишилиридин болған икки ака-ука, бир сиңил, ата-ана вә чоң анидин ибарәт икәнлики мәлуматини бәрди.
икки ака-укиниң төт аилә әзасини өлтүрүп, арқидин өзлирини өлтүрүвалғанлиқи әскәртилди. ака-укиларниң бириниң иҗтимаий таратқуда җинайәт өткүзүш вә өзлирини өлтүрүвелиш пиланлирини һәмбәһирлигәнлики қәйт қилинди.
сақчилар җинайәтниң һәптә ахири йүз бәргән болуши мумкинликини вә өлгәнләрниң ичидә әң кичикиниң 19 йашта икәнликини билдүрди.
