һамас бәһрәйинниң исраилийәдә әлчихана ечиши вә баш әлчи тәйинлишини әйиблиди

түркийә авази радийоси хәвири: һамас байанатчиси һазим қасим, бәһрәйин падишаһи һәмәд бин иса ал хәлифәниң бу мәсилигә мунасивәтлик пәрманни имзалиғанлиқи тоғрисдики қарарнамәниң җамаәтчиликкә елан қилинишидин кейин байанат елан қилди.

қасим, бәһрәйинниң қарариға «ишғалийәтчи күчләр билән мунасивәтләрни нормаллаштуруш келишими имзалаштин ибарәт бир хаталиқта чиң туруш» дәп баһа бәрди.

бәһрәйинниң тел авивда әлчихана ечиши вә у йәргә баш әлчи тәйинлишини әйиблигән һазим қасим, мунасивәтләрни нормаллаштуруш келишиминиң райондики әрәб хәлқлиригә әмәс, пәқәт исраилийәниң мәнпәәти үчүн хизмәт қилидиғанлиқини тәкитлиди.

бәһрәйнниң рәсмий хәвәр агентлиқи —BNA , падишаһ һәмәд бин иса ал хәлифәниң пәрмани билән халид йүсүп әлҗәлаһимәниң бәһрәйинниң исраилийәдики баш әлчиси болғанлиқини хәвәр қилди.

исраилийә һөкүмитиму йанвар ейида бәһрәйнгә вақитлиқ баш әлчи тәйинлигәниди.

американиң тәшәббусиға асасән, 2020- йилиниң ахирида әрәб бирләшмә хәлипилики, бәһрәйн, судан вә маракәш «исраилийә билән болған мунасивәтни нормаллаштуруш» тоғрисида келишим имзалиғаниди.