бир қисим шәрқ дөләтлиридики йуқумға мунасивәтлик санлиқ мәлуматлар:
дунйа миқйасида ковид-19 сәвәбидин қаза қилғанларниң сани 2 милйон 327 миң 360 қа йәтти. йуқумланғучиларниң сани 106 милйон 691 миңдин вә әслигә кәлгәнләрниң сани 78 милйон 379 миңдин ешип кәтти.
түркийә авази радийоси хәвири: һиндистанда йуқумлиниш сәвәбидин йеқинқи 24 саәт ичидә 50 киши қаза қилди. 4109 киши йуқумланди. һиндистанда һайатидин айрилғанларниң омумий сани 155 миң 78 гә вә йуқумланғанларниң омумий сани 10 милйон 831 миң 379 ға йәтти.
камбоджада бүгүнгә қәдәр 474 кишидә ковид -19 байқалған болуп, хитайниң җәнубий асийа дөлити камбоджаға 600 миң синофарма ваксиниси таблити ианә қилғанлиқи билдүрүлди.
афғанистанда йуқум сәвәбидин 2413 киши қаза қилған вә 55 миңдин артуқ киши йуқумланған болуп, оксфорд унверситити билән дора ширкити «AstraZeneca» тәтқиқ қилип йасап чиққан 500 миң ковид-19 ваксиниси түнүгүн кабул һамид карзаий айродорумиға йетип кәлди.
вирус сәвәбидин бүгүнгә қәдәр 5 миң 121 киши қаза қилип, 692 миңдин артуқ киши йуқумланған исраилийәдә болса, күнигә 100 миңдин 120 миңғичә ваксина әмләш нисбити %50 төвәнлиди.
туниста йуқум сәвәбидин қаза қилғанларниң сани 52 киши ешип, 7 миң 214 кә, ливанда болса, 54 киши ешип, 3 миң 616 гә өрлиди.
қатар ковид -19 ваксиниси вә давалаш йардими тарқитиш мәсилисиниң сийасийлаштурулмаслиқи керәклики һәққидә чақириқ елан қилди. муавин ташқи ишлар министири лулва әлхатир: «бәзиләрниң ковид -19 ваксинисини монопол қилиш тоғрисида қанун чиқиридиғанлиқиға даир хәвәрләр бар. биз буни қәтий рәт қилимиз. хәлқара җәмийәтму буни рәт қилиши керәк»деди. қатарда йуқум сәвәбидин 250 киши қаза қилған вә йуқумланғанларниң сани 154 миң 98 гә йәткән иди.
