доналд трамп йеңи бир сийасий партийә қуруш тәййарлиқи қилмақта
америка пирезиденти доналд трампниң йеқинлири билән йеңи бир сийасий партийә қуруш тоғрисида сөһбәтләшкәнлики илгири сүрүлди.
түркийә авази радийоси хәвири: «Wall Street Journal» гезитиниң бу мәсилигә йеқин кишиләрни мәнбә қилған хәвиридә, бүгүн ақсарай билән хошлишидиған доналд трампниң йеңи бир сийасий партийә қурушқа тәййарлиқ қиливатқанлиқи билдүрүлди.
доналд трампниң мушу бир қанчә күн ичидә йеқин әтрапидикиләр билән бу йеңи партийә һәққидә сөһбәтләшкәнликини тилға алған мәнбәләрниң, партийә наминиң «Patriot (вәтәнпәрвәрләр) партийәси» болидиғанлиқини ейтти.
америкада доналд трампни қоллайдиған бир қисим намайишчилар америка конгрәсигә бесип киргәндин кейин, трамп җумһурийәтчиләр партийәсидики бәзи кишиләр билән пикри җәһәттә зиддийәткә чүшкән иди.
трамп 2020-йили 3 – нойабирда өткүзүлгән сайламда уттуруп қойған болсиму, бирақ сайламда «алдамчилиқ» барлиқини илгири сүрүп, салам нәтиҗисигә етираз билдүргән иди.
доналд трамп бу һәқтә нурғунлиған иштатларда ачқан қануний делоларда нәтиҗигә еришәлмигән иди.
сайламниң ғалиби җо байдин бүгүн шу йәрниң вақти саәт 12:00 дә, (әнқәрә вақти 20:00 дә) қәсәм берип, америка президентлиқ вәзиписини тапшуруп алиду.
