помпейо төт тәрәп учриишиши үчүн токйоға йетип кәлди
помпейо: «әркин вә очуқ һинди-тинч окйан» ғайисиниң, район бихәтәрликиниң асаслиридин бири икәнликини билдүрүп: «бу ғайә вә америка-йапонийә иттипақи, хәлқлиримизгә он йиллардин буйан параванлиқ вә хатирҗәмлик елип кәлди» деди.
түркийә авази радийоси хәвири: америка ташқи ишлар министири майк помпейо хитайға қарши тәрәққий қилдурулған америка, австиралийә, һиндистан вә йапонийә иттипақи рамкисидики учришишлар үчүн, йапонийә пайтәхти токйоға йетип кәлди.
йапонийә ташқи ишлар вәзири мотеги тошимитсу төт тәрәп учришишидин бурун, помпейо билән көрүшүп, күнтәртип мәсилилирини музакирә қилди.
йапонийә ташқи ишлар вәзири мотеги тошимитсу өткән ай (2020-йили сентәбир) вәзипә тапшурувалған баш вәзир суга йошиһидә вә кабентиниң, сабиқ баш вәзир шизу абиниң сийасәтлирини давамлаштуридиғанлиқини билдүрүп: «суга һөкүмити районлуқ муқимлиқ вә тинчлиқниң ул теши болған йапонийә-америка һәмкарлиқини техиму йуқири көтүрүш сийасәтлирини изчил давамлаштуруватиду. әркин вә очуқ һинди-тинч окйан ғайисини әмәлгә ашуруш үчүн йапонийә билән америка хәлқара җәмийәткә тохтимай башчилиқ қилишни халайду» деди.
америка ташқи ишлар министири майк помпейо «әркин вә очуқ һинди-тинч окйан» ғайисиниң район бихәтәрликиниң асаслиридин бири икәнликини әскәртип: «бу ғайә вә америка-йапонийә иттипақи, хәлқлиримизгә он йиллардин буйан параванлиқ вә хатирҗәмлик елип кәлди» деди.
төт тәрәп бихәтәрлик дийалоги(QSD) дәп билинидиған америка, австиралийә, һиндистан вә йапонийә оттурисида 2007-йили башланған дийалог мунбири, 2017-йили «төт тәрәп иттипақи» ға өзгәртилгән иди.
