пирезидент трамп: б д т хитайни җавабкар тутуши керәк

түркийә авази радийоси хәвири: пирезидент трамп бу йил (2020) вухән вируси сәвәбидин видео конферанс шәклидә өткүзүлгән б д т 75-нөвәтлик омумий кеңәш йиғиниға әвәткән видеода, вухән вируси сәвәбидин иккинчи дунйа урушидин буйанқи әң чоң дунйави күрәшниң партлиғанлиқини тәкитләп: «хитай вируси 188 дөләттә сан-санақсиз җанға замин болди. америкада иккинчи дунйа урушидин буйанқи әң кәскин сәпәрвәрликни башлидуқ» деди.

у апрел ейи (2020) дин тартип вухән вируси сәвәб болған өлүм нисбитини чүшүргәнликлирини әскәртип: «тиришчанлиқлиримиз сайисида һазир үч ваксина клинкилиқ синақ басқучида туруватиду. уларни дәрһал тарқитишимиз үчүн алдин нормал ишләпчиқиримиз. ваксинани тарқитимиз, вирусни йиңимиз вә йуқумни түгитимиз» деди.

у буниңдин бурун көрүлүп бақмиған дәриҗидә һәмкарлиқ вә тинчлиқ мусаписиға киргәнликлирини билдүрүп: «биз бу парлақ келәчәккә қарап илгирилигән вақитта, вирусни дунйаға тарқатқан дөләт болған хитайни буниңға җавабкар дәп тутушимиз керәк. хитай йуқумниң дәсләпки күнлиридә ички қатнишини тохтатти, бирақ хитайдин сиртқа болидиған айропилан сәпәрлиригә рухсәт қилди. хитай мән иҗра қилған сайаһәт чәклимисини әйиблиди. хитай һөкүмити вә дунйа сәһийә тәшкилати хата һалда вирусниң адәмдин адәмгә йуқидиғанлиқиға мунасивәтлик испатниң йоқлуқини ейтти. кейинчә кесәллик аламити көрүлмигән кишиләрниң вирусни йуқтурмайдиғанлиқини елан қилди. б д т бу һәрикәтлири сәвәбидин хитайни җавабкар тутуши керәк» деди.