хоңкоңда түнүгүн қанун кеңиши сайлиминиң кечиктүрүлишигә қарши намайиш өткүзүлди
хитайниң хоңкоң алаһидә мәмурий районида қанун кеңиши сайлиминиң кечиктүрүлгәнликигә наразлиқ билдүргән хәлқ аммиси кәң – көләмлик намайиш өткүзди.
1485948
түркийә авази радийоси хәвири: «җәнубий хитай әтигәнлик гезити» ниң хәвәрлиригә асасланғанда, хоңкоңда миңлиған киши сентәбирдә өткүзүлиши пиланланған қанун кеңиши сайлиминиң бир йил кечиктүрүлгәнликигә қаттиқ наразилиқ билдүргән.
хоңкоң сақчи даирилири иҗтимаий алақә һесабида елан қилған байанатида, аз дегәндә 90 кишиниң қолға елинғанлиқини вә уларниң көпинчисиниң қанунсиз йиғилиш қилиш җинайити билән әйибләнгәнликини уқтурди.
намайиш җәрйанида атақлиқ паалийәтчиләрдин там так чиму қолға елинди.
сақчилар ковлун районида намайишчиларға йаш аққузуш бомбиси билән қаттиқ мудахилә қилди.
хоңкоң валийси кари лам 31 – ийулда елан қилған байанатида, ковид-19 йуқуми сәвәбидин қанун кеңиши сайлиминиң 1 йил кечиктүрүлгәнликини елан қилған иди.
