германийә: хоңкоң билән түзүлгән «җинайәтчиләрни өзара қайтуруп бериш келишими» тоңлитип қойулди
германийә хоңкоң алаһидә мәмурий районида сентәбирдә өткүзүлүши пиланланған қанун кеңиши сайламлириниң бир йил кечиктүрүлгәнлики уқтурулғандин кейин, хоңкоң билән түзүлгән «җинайәтчиләрни өзара қаутуруп бериш келишими» ниң тоңлитип қойди.
түркийә авази радийоси хәвири: германийә ташқи ишлар министири һейко маас, бу һәқтә елан қилған йазма байанатида, хоңкоң һөкүмитиниң 12 өктичи намзатини қанун кеңиши сайламлириға қатнишиштин мәний қилиши вә сайламларниң бир йил кечиктүрүлүши тоғрулуқ чиқирилған қарарниң, хоңкоңлуқларниң һәқ – һоқуқлириға мудахилә қилиш һесаблинидиғанлиқини, бу қарарниң, 4 нәпәр кишилик һоқуқ паалийәтчисиниң қолға елинишидин кейин чиқирилишиниң диққәт қозғайдиғанлиқини тәкитләп мундақ деди: «мәвҗут өзгиришләргә асасән, хоңкоң билән дөлитимиз оттурисида түзүлгән <җинайәтчиләрни өзара қаутуруп бериш келишими> ни тоңлитип қойушни қарарлаштурдуқ. шуни алаһидә тәкитләп өтимәнки, хитайниң хәлқара қанунға риайә қилиш мәҗбурийити бар болуп, бейҗиңдин буниңға риайә қилишини күтүватқанлиқимизни көп қетим оттуриға қойдуқ. әркин вә адил сайламларниң өткүзүлүши хоңкоңлуқларниң әң тәбиий һәққидур.»
хоңкоңниң баш иҗраийә әмәлдари кари лам, түнүгүн елан қилған байанатида, һөкүмәтниң, «вухән вируси» билән йуқумланғучилар сани көпийип кәткәнликтин, қанун кеңиши сайламлирини бир йил кечиктүридиғанлиқини билдүргәниди.
