б д т баш катипи гутеррес сәрраҗ билән телефонлашти
бирләшкән дөләтләр тәшкилати (б д т) баш катипи антонио гутеррес ливийә баш министири файиз сәрраҗ билән телефонда көрүшти.
түркийә авази радийоси хәвири: б д т баш катипи байанат ишханиси, антонио гутеррес билән сәрраҗниң телефон сөһбитидә, баш министир сәрраҗниң 5 (һөкүмәт) + 5 (дөләтниң шәрқидики қанунсиз күчләр) ортақ һәрбий комитет учришишлири вә сайламларни асас қилидиған сийасий чарини йақлайдиғанлиқини билдүргәнликини уқтурди.
икки рәһбәрниң йәнә, ливийәдики ишләпчиқириштин тохтап қалған нефитликләрниң қайтидин хизмәткә кириштүрүлүши керәклики тоғрисида сөзләшкәнлики билдүрүлгән байанатта, антонио гутерресниң, ливийәдә тепилған коллектип мазарлардин чоңқур биарамлиқ һес қилғанлиқини тилға елип өткәнлики, б д т ниң җавабкарларниң тепип чиқилишиға вә ковид – 19 ға қарши күрәшкә йардәм беришкә тәййар икәнликини оттуриға қойғанлиқи қәйт қилинди.
б д т баш катипи байанатчиси стефан дуҗаррик күндилик мухбирларни күтүвелиш йиғинида, гутерресниң ливийәниң шәрқидики қанунсиз қораллиқ күчләрниң лидери хәлифә һафтәр биләнму телефонда көрүшкәнлкини билдүрди.
