америкада феврал ейидин тартип һәр күни 33 киши өлгән

түркийә авази радийоси хәвири: вабаниң мәркизигә айланған америкада вухән вируси сәвәбидин җенидин айрилғанларниң сани 130 миң 123 тин, йуқумланғанларниң сани 2 милйон 727 миң 996 дин ашти.

вухән вирусиға мунасивәтлик вәқәләрниң %25 и йүз бәргән бу дөләттә, феврал ейидин тартип оттуричә һесаб билән һәр күни 33 киши җенидин айрилди. дөләтлик кесәлликләрниң алдини елиш вә контрол қилиш иниститутиниң директори фавҗи (Fauci): «һазирқи йуқумниң йүзлиниши тохтитилмиған әһвалда күнлүк вәқә сани 100 миңға йәтсә, һәйран қалмаймән» деди.

мексика чеграсидики чедир лагерида йашаватқан көчмәнләр арисида тунҗи қетим вухән вируси байқалди.

демократларниң пирезидент кандидати җо байдин вухән вируси мәзгилидә сайлам йиғилишлирини өткүзмәйдиғанлиқини елан қилди.

вухән вирусиниң әң еғир тәсиригә учриған иккинчи дөләт болған биразилийәдә йеқинқи 24 саәттә 1 миң 280 киши вирус сәвәбидин җенидин айрилди вә җәмий сан 59 миң 594 кә чиқти.  охшаш вақитта, 33 миң 846 киши йуқумланди вә җәмий йуқумланғанлар сани 1 милйон 402 миң 41 гә чиқти.

мексикада йеқинқи 24 саәттә җенидин айрилғанлар сани 648 киши көпийип 27 миң 769 ға чиқти. охшаш вақитта, 5 миң 432 киши йуқумланди вә җәмий сан 226 миң 89 ға чиқти.

вухән вируси сәвәбидин 43 миң 730 киши җенидин айрилип, йавропада вабаниң мәркизигә айланған әнглийәдә, йеқинқи 24 саәттә 155 киши җенидин айрилди. охшаш вақитта 689 киши йуқумланди вә җәмий йуқумланғанлар сани 312 миң 654 кә чиқти.

италийәдә йеқинқи 24 саәттә 23 киши вухән вируси сәвәбидин җенидин айрилди. буниң билән вирус сәвәбидин җенидин айрилғанларниң җәмий сани 34 миң 767 гә чиқти. җәмий йуқумланғанлар сани 15 миң 563 кә төвәнлиди. охшаш вақитта, 142 кишидә вирус байқалди.

фирансийәдә йеқинқи 24 саәттә 30 киши вирус сәвәбидин җенидин айрилди вә җәмий җенидин айрилғанлар сани 29 миң 843 кә чиқти. охшаш вақитта 541 кишидә вирус байқалди вә җәмий йуқумланғанлар сани 201 миң 152 гә чиқти.

испанийә сәһийә министири йеқинқи бир һәптидә 20 кишиниң вирус сәвәбидин җенидин айрилғанлиқини вә җәмий санниң 28 миң 355 кә чиққанлиқини؛ йеқинқи 24 саәттә 99 кишиниң йуқумланғанлиқини вә җәмий санниң 249 миң 271 гә чиққанлиқини елан қилди.

португалийәдә йеқинқи 24 саәттә сәккиз киши вирус сәвәбидин җенидин айрилди вә җәмий сан 1 миң 576 гә чиқти. охшаш вақитта 229 киши йуқумланди вә җәмий сан 42 миң 141 гә чиқти.

канадада вухән вируси сәвәбидин җенидин айрилғанлар сани 8 миң 591 гә, йуқумланғанлар сани 104 миңға чиқти.

канада вирус сәвәбидин 2020-йили 16-март башлиған чәт әлликләрниң дөләткә киришини чәкләш бәлгилимисини 31-ийулғичә узатти.

вухән вируси сәвәбидин 705 киши җенидин айрилған, 17 миң 873 киши йуқумланған австирийәдә, ғәрбий балқан дөләтлиридики вухән вирусиға мунасивәтлик вәқәләрниң көпийиши сәвәбидин сайаһәт агаһландурушини әң йуқири сәвийәгә чиқарди.

австиралийәдә йеқинқи 24 саәттә викторийа иштатида 73, йеңи галлер иштатида 14 киши болуп җәмий 87 киши вухән вируси билән йуқумланди. вирус сәвәбидин 104 киши җенидин айрилған бу дөләттә, буниң билән җәмий йуқумланғанлар сани 7 миң 834 кә чиқти.

викторийа иштатиниң мәркизи мелборн шәһиридә бир һәптидин буйан вухән вирусиға мунасивәтлик вәқәләрниң көпийиши сәвәбидин, бу иштат билән квинсләнд (Queensland) вә җәнубий австиралийә иштатиниң чегралириниң тақилидиғанлиқи елан қилинди.