ливийәдики рус йалланма әскәрләрниң %90 идин көпрәки җәнуб тәрәпкә чекинди
ливийәниң шәрқидики қанунсиз қораллиқ күчләрниң лидери хәлифә һафтәрниң сепидә җәң қиливатқан рус бихәтәрлик ширкити – вангерниң йалланма әскәрлириниң %90 идин көпрәки җәнуб тәрәпкә чекинди.
түркийә авази радийоси хәвири: ливийәниң ғәрбий шималиға җайлашқан бәни вәлид шәһәрлик һөкүмәтниң башлиқи салим нәвир, ливийәниң «әләһрар» телевизийәсигә байанат берип, бәни вәлидтики йалланма әскәрләрниң %90 идин көпрәкиниң аптомобилларға олтуруп шәһәрдин чиқип кәткәнликини билдүрди.
7 километир узунлуқтики һәрбий аптомобиллар тизмисиниң шәһәрдин чиқип җәнуб тәрәпкә қарап илгирилигәнликини қәйт қилған нәвир, бәни вәлид айродурумидики һава мудапиә системилириниң аптомобилларға бесилип – бесилмиғанлиқиниң техи ениқ әмәсликини билдүрди.
ливийә армийәси байанатчиси полковник муһәммәд қунуну 25 – майда байанат берип, пайтәхттин чекингән йалланма әскәрләрни тарқақлаштуруш үчүн бәни вәлид айродурумиға йеқинқи 24 саәт ичидә 15 һәрбий йүк айропиланиниң кәлгәнликини билдүргәниди.
