иранда су апитидә қаза қилғанларниң сани 26 гә йәтти
иранниң җәнубий районлириға тәсир көрсәткән қара йамғур кәлтүрүп чиқарған су апитидә қаза қилғанларниң сани 26 гә йәтти.
1394702
түркийә авази радийоси хәвири: иран җиддий әһвалларға тақабил туруш қоманданлиқ мәркизи байанатчиси муҗтәда халидиниң иран оқуғучилар хәвәр агентлиқи (ISNA) ға бәргән байанатида билдүрүшичә, 22 – марттин буйан дөләттә мәйданға келиватқан су апәтлиридә һайатидин айрилғанларниң сани 26 гә йәткән. йеқинқи 24 саәт ичидә болса, йезд өлкисидә бир киши қаза қилған, бир киши йоқап кәткән, мәркизи өлкисидиму бир киши йариланған.
иранниң шәрқий җәнубида 22 – марттин буйан тохтавсиз йеғиватқан қара йамғур кәлтүрүп чиқириватқан су апәтлиридә деһқанчилиқ мәйданлири вә ул әслиһә қурулушлири еғир зийанға учриғаниди.
