ياۋروپا ئىتتىپاقى خىتايغا مىننەتدارلىق بىلدۈردى

تۈركىيە ئاۋازى رادىيوسى خەۋىرى: ياۋروپا ئىتتىپاقى كومىتېتى باشلىقى ئۇرسۇلا ۋون دېر لېيېن تىۋىتتېردا ۋىدېئولۇق ئۇچۇر تارقىتىپ، خىتاي باش مىنىستىرى لى كېچياڭ بىلەن كۆرۈشكەنلىكىنى ئەسكەرتتى.

لى كېچياڭنىڭ ياۋروپا ئىتتىپاقىغا 2 مىليون ئوپېراتسىيە ماسكىسى، 200 مىڭ N95 ماركىلىق ماسكا ۋە 50 مىڭ دانە سىناق ئاپپاراتى بېرىدىغانلىقىنى ئۇقتۇرغانلىقىغا ئىشارەت قىلغان ۋون دېر لېيېن، ياۋروپا ئىتتىپاقىنىڭمۇ يانۋار ئېيىدا خىتايغا 50 توننىدىن ئارتۇق لازىمەتلىك ياردەم قىلغانلىقىنى خاتىرىلىپ ئۆتتى ۋە سۆزىنى داۋاملاشتۇرۇپ، «بۈگۈن خىتايدىن مىننەتدارمىز. ئېھتىياج پەيتلىرىدە بىر – بىرىمىزنىڭ قوللىشىغا موھتاجمىز» دېگەنلەرنى قەيت قىلدى.