америкада вухән вирусға қарши ваксина бүгүн синақ қилиниду
америкада вухән вирус (Kovid-19) ға қарши ишләпчиқирилған ваксена бүгүн вашингитон иштатида тунҗи қетим синақ қилинидиған болди.
түркийә авази радийоси хәвири: американиң «AP» хәвәр агентлиқиниң америка һөкүмәт әмәлдарлирини мәнбә көрсәткән хәвиридә, дөләтлик сәһийә институти мәбләғ салған бу ваксенаниң сеатилдики қәйсәр мәңгүлүк сәһийә тәтқиқат институтида синақ қилинидиғанлиқи билдүрүлди.
алақидар мәсуллар бу синақниң 45 сағлам пидаий киши үстидә елип берилидиғанлиқини вә бу кишиләрниң йуқумлиниш хәвпи йоқлуқини, пәқәт ваксенаниң әкис тәсирини синашиң мәқсәт қилиниватқанлиқини билдүрди.
мәсуллар йәнә, вухән вирусиға гириптар болған бимарларда ишлитилиши үчүн ваксенаниң ишләпчиқирилишиға сәккиз айдин бир йилғичә вақит кетидиғанлиқини тәкитлиди.
үзлүксиз тарқиливатқан вухән вирусиға қарши нурғун дөләтләр ваксена ишләпчиқиришқа тиришмақта.
дунйа сәһийә тәшкилатиниң санлиқ мәлуматлириға асасланғанда, хитайниң вухән шәһиридә башланған йуқумлуқ вирус билән дунйада тәхминән 160 миң киши йуқумланған вә тәхминән 5800 адәм вухән вируси сәвәбидин өлгән.
