нато идлиб һуҗумидин кейин җиддий йиғин чақириду
шималий атлантик әһди тәшкилати сүрийәниң идлиб районидики түркийә қисимлириға қилинған һуҗумдин кейин түркийәниң тәлипигә бинаән җиддий йиғин чақирилидиғанлиқини уқтурди.
1368392
түркийә авази радийоси хәвири: шималий атлантик әһди тәшкилати баш катипи столтенберг, аммиви ортақлишиш тор бети Twitter сәһиписидә бу һәқтә елан қилған байанатида, түркийәниң тәлипигә бинаән нато әһдинамисиниң 4 – маддисиниң ишлитилидиғанлиқини, бу даиридә шималий атлантик кеңишиниң даимий вәкиллири дәриҗилик йиғин чақирилип, сүрийәдики өзгиришләр һәққидә музакирә елип берилидиғанлиқини билдүрди.
игилинишичә, шималий атлантик әһди тәшкилати әһдинамииниң 4 – маддисиға асасән, иттипақдаш дөләтләрдин бирәрсиниң земин пүтүнлүки, сийасий мустәқиллиқи йаки бихәтәрлики тәһдиткә дуч кәлгәндә, барлиқ әзалардин һәмкарлиқ орнитишни тәләп қилиш һоқуқи бар икән.
