(вухән вируси) ковид-19 ға мунасвәтлик дунйа миқйасидики йеңи әһваллар

түркийә авази радийоси хәвири: иранда (вухән вируси) ковид-19 сәвәбидин өлгәнләрниң сани 8 гә йәтти.

иран сәһийә министирлиқи иҗтимаий алақә ишлири мәсули кийанус җиһанпур, йәнә 15 кишидә вирус байқалғанлиқини, җәмий йуқумланғучилар саниниң 43 кә вә өлгәнләр саниниң 8 гә йәткәнликини ейтти.

кийанус җиһанпур йеңидин вирус байқалған 15 кишиниң 7 су қум өлкисидә, 4 и теһранда, 2 си гиланда, бирсиниң мәркәзидә вә йәнә бирсиниң мазәндәрән өлкисидә байқалғанлиқини уқтурди.

иранниң теһран, қум, әрдәбил, әлбурз, мәркәзий, һамәдән, казвин, мазәндәрән вә гилан өлкилик һөкүмәтлири тәрипидин елан қилинған байанатта, вирусниң тарқилишиниң алдини елиш мәқситидә университет, диний маарип органлири, башланғуч вә оттура мәктәпләрдә оқу - оқутуш хизмәтлириниң вақитлиқ тохтитилғанлиқи билдүрүлди.

маарип паалийәтлири бәзи өлкиләрдә 1 күнлүк, бәзилиридә 2 күнлүк, йәнә бәзилиридә болса, 1 һәптилик   тохтилғанлиқи һәмдә бу муддәтниң узартилиши мумкинлики уқтурулди.

ирандики барлиқ тәнтәрбийә паалйәтлири 10 күн кечиктүрүлди. пүтүн сәнәт паалийәтлири әмәлдин қалдурулди.

кувәйтму пуқралирини ирандин қайтуруп кетишни башлиди.

ирандики кувәйт пуқралирини йөткәп кетиш үчүн бәлгиләнгән 5 айропиланниң тунҗиси 130 йолучини елип күвәйткә йетип барди.

җәнубий корейәдә болса, йуқумланғучиларниң сани 602 кишигә өрлиди. өлгәнләрниң сани 4 кә йәтти. агаһландуруш сегнали әң йуқури сәвийәгә чиқирилди.

җәнубий корейә пирезиденти мун җаин (вухән вируси) ковид-19 ға қарши күрәштә алдимиздики бир қанчә күнниң интайин муһимлиқини билдүрүп, һөкүмәтниң агаһландуруш сегналини әң йуқури «қизил» сәвийәгә чиқарғанлиқини вә алдини елиш тәдбирлирини күчәйтидиғанлиқини елан қилди.

һиндистандиму (вухән вируси) ковид-19 тақилишиниң алдини елиш тиришчанлиқлири даирисидә, һиндистан пуқралириниң зөрул болмиған әһвалда сингапорға сайаһәткә бармаслиқи лазимлиқини тәләп қилди.

дунйа мқйасида йеңи типлиқ (вухән вируси) ковид-19 билән йуқумланғучиланиң сани 79 миңға йәтти.

исраилийә, җәнубий корийәниң пайтәхти сеулдин айропилан билән кәлгән 200 кишиниң телавевдики бен гурийон айродорумиға киришигә рухсәт қилмиди.

«The Jerusalem Post» гезитиниң хәвәр қилишичә, җәнубий корийәдин айропилан билән кәлгән 12 нәпәр исраилийә пуқраси җиддий қутқузуш аптомобиллири билән өйлиригә йәткүзүлгән. 

хитай мәтбуатлири вирусниң дәсләпки аламәтлирини көрситиш муддитиниң 27 күнгә чиққанлиқини илгири сүрди.

вухән шәһиридә бир йуқумланғучида вирусниң дәсләпки аламәтлириниң 27 күндин кейин оттуриға чиққанлиқи хәвәр қилинди.

дунйа сәһийә тәшкилати хәлқараға чақириқ елан қилип, вирус тарқиған дөләтләр арисидики сәһийә системиси аҗиз дөләтләргә 675 милйон доллар йардәм қилиниши керәкликини тәләп қилди.