әнглийәдә шәртлик қойуп берилгән бир террорлуқ җинайәтчиси қайта назарәткә елинди

түркийә авази радийоси хәвири: сақчилар 34 йашлиқ кишиниң ситок он терент шәһиридә назарәткә елинғанлиқини елан қилди лекин кимлики һәққидә мәлумат бәрмиди. 

сақчи мәсуллири назарәткә елинған кишиниң өйидә тәкшүрүш елип берилғанлиқини вә бу назарәткә елишниң лондон көврүки һуҗуми билән алақиси йоқлуқини ейтти.

әнглийә баш вәәзири борис җонсон әнглийәдә террорлуқ билән әйбилинип қамаққа һөкүм қилинған 74 мәһбусниң қанунға бинаән шәртлик қойуп берилидиғанлиқини елан қилған иди.

лондонда җүмә күни 2 кишини өлтүрүп 3 кишини йаридар қилған терролуқ җинайәтчиси 28 йашлиқ осман ханниң 16 йил қамаққа җазасиға һөкүм қилинғанлиқи лекин муддәттин илгири қойуп берилгәнлики оттуриға чиққан иди. 

осман хан җүмә күни чүштин кейин саәт 14:00 әтрапида 5 кишигә пичақ тиққандин кейин сақчилар тәрипидин етип өлтүрүлгән иди. һуҗум қурбанлиридин икки киши дохтурханида давамлаш үнүм бәрмәй һайатидин айрилған иди.

сақчилар вәқәгә «террорлуқ» дәп баһа бәргән һәмдә әслидә террорлуқ билән әйибләнгән мәһбусларға писихлиогийәлик хизмәт ишләшкә алақидар конферанстқа осман ханниңму тәклип қилинғанлиқи вә униң конфранста пичақ билән һуҗум қилишни башлап, залиниң йенидики лондон көврүкидә давамлаштурғанлиқи елан қилинған иди.

сақчилар осман ханниң йалған икәнлики кейин ениқланған партлатқучни көтүрүвалғанлиқини, әслидә униң лондон муқимсиз мүлүк пайчеки базириға һуҗум қилиш пиланида ойниған роли сәвәбидин 16 йиллиқ қамаққа һөкүм қилинған бирақ қанунға бинаән муддәттин бурун қойуп беилгәнликини билдүргән иди.

осман ханниң һуҗум әснасида путида сақчилар тәрипидин көзитилиш үчүн тақап қойулған електиронлуқ биләйзүкниң барлиқи билдүрүлмәктә.