каталонийәликләр испанийә сотиниң һөкүмигә наразилиқ билдүрди
испанийә сақчилири алий сотниң бөлгүнчи каталонийә сийасәтчилири үстидин чиқарған һөкүмигә наразилиқ билдүрүп намайиш қилғанларни тарқитивәтмәкчи болди.
түркийә авази радийоси хәвири: каталонийә аптоном районидики төт вилайәткә җайлашқан испанийә һөкүмитиниң биналири әтрапида кечә бойичә миңларчә киши гүзәтчилик қилди.
каталонийә райониниң пайтәхти барселонадики гүзәтчилик җәрйанида, бәзи намайишчиларниң хәвпсизлик күчлиригә партлитиш қутиси қатарлиқ нәрсә-керәкләрни етиши вә биналарниң әтрапидики вақитлиқ қойулған решаткиларни тепишидин кейин, сақчилар намайишчиларни тарқитивәтмәкчи болди.
намайишчилар каталонийә маршини ейтти вә «кочилар һәр қачан бизниң болиду», «йашисун мустәқиллиқ» дегән шоарларни товлиди. сақчиларни «ишғалийәтчи күчләр» дәп әйиблиди.
намайишчилар әхләт сандуқлири, қәғәз йешик вә решаткиларға от қойуп бәрди. сақчилар буниңға қарши калтәкләр билән намайишчиларни тарқитишқа урунди.
испанийә алий соти дүшәнбә (2019-йили 14-өктәбир) күни каталонийә аптоном районида қанунсиз дәп елан қилинған болушиға қаримай 2017-йили 1-өктәбир өткүзүлгән мустәқиллиқ реферандумини тәшкилләш билән сотқа тартилған 12 каталонийә сийасәтчилиридин тоққуз нәпиригә, тоққуз йилдин 13 йилғичә қамақ җазаси бәргән иди.
