сири ланкидики террорлуқ һуҗумлирида өлгәнләрниң сани барғанчә ашмақта

түркийә авази радийоси хәвири: сири ланкида пасхалийа байрими тәбриклиниватқан әснада черкав вә меһмансарайларға қилинған адәм бомба һуҗумлирида өлгәнләрниң сани 359ға чиқти.

сири ланка шәһәрлик сақчи идариси байанатчиси руван гунасекара тәрипидин бу һәқтә елан қилинған байанатта, пасхалийа мурасимлири әснасида черкав вә меһмансарайларға қилинған адәм бомба һуҗумлирида өлгәнләрниң саниниң ешип бериватқанлиқи әскәртилди.

байанатчи гунасекара һуҗумларда һайатидин айрилғанларниң саниниң 359ға йәткәнликини билдүрди.

һуҗумдин кейин елип берилған кәң көләмлик зәрбә бериш һәрикәтлиридә түнүгүн кечә 18гумандарниң тутқун қилинғанлиқини ейтқан байанатчи руван гунасекара, һазирғичә террорлуқ һуҗумлириға четишлиқи барлиқидин гуман қилинған 58 шәхсниң тутқун қилинғанлиқини билдүрди.

тутқун қилинған гумандарларниң кимлик вә қайси дөләткә тәвә икәнлики һәққидә мәлумат бәрмигән гунасекара, түнүгүн тутқун қилинған 40 кишиниң сири ланкилиқ икәнликини ейтқаниди.

сири ланкида 21-апрел әтигәндә коччикадедики антони, катанадидки себастийан вә баттикалодадики мәрйәм ана қатарлиқ черкавлар билән пайтәхт коломбодики бәш йултузлуқ шаңрилила, киннамон гранд вә киңсбури қатарлиқ меһманханиларға  адәм бомба һуҗуми елип берилғаниди.

террорлуқ һуҗумлиридин кейин пайтәхт коломбониң деһивала районидики бир меһман күтүш орни билән дематогодики бир көврүккә йеқин җайдиму партлаш вәқәси мәйданға кәлгәниди.

билдүрүлүшичә, 359 адәм өлүп 500 дин артуқ адәм йариланған террорлуқ һуҗумлириниң җавабкарлиқини террорлуқ тәшкилати даеш үстигә алған.