америкиниң мәхпийәтликини ашкариливәткән «Wikileaks» ниң қурғучиси назарәткә елинди

түркийә авази радийоси хәвири: лондон сақчи идариси елан қилған байанатида, еквадор тәрипидин берилигән панаһлиниш һоқуқи әмәлдин қалдурулғандин кейин җулиан ассанҗниң еквадорниң лондондики әлчиханисида назарәткә елинғанлиқини уқтурди.

«Wikileaks» тори болса, ассанҗниң панаһлиниш һоқуқини еквадорниң қанунсиз бир шәкилдә әмәлдин қалдурғанлиқини илгири сүрди.

«Wikileaks» тори тәрипидин алдинқи һәптә елан қилинған байанатта, еквадорниң йуқири дәриҗилик бир әмәлдариниң бир қанчә күн һәтта саәтләр ичидә ассанҗниң еквадор әлчиханисидин чиқиривитилидиғанлиқини вә назарәткә елиниши үчүн әнглийәгә билән келишим һасил қилинғанлиқини ейтип бәргәнликини билдүргән иди.

«Wikileaks» ториниң байанатида бу қарарға қарита «еквадор пирезиденти ленин моренониң иниси тәрипидин ечилған вә қанунсиз ишлитилгән һесабқа даир әйибләшләрниң үстини йепип қилиш уруниши» дәп баһа берилгән иди. 

ассанҗ америка ташқи ишлар министирлиқиниң нурғунлиған йезишмилирини интернет бети арқилиқ хәлқ аммисиға ашкариливәткән вә қаттиқ талаш - тартишларға сәвәб болған болуп, 2012 – йилидин буйан лондондики найтсбрҗ районида турушлуқ еквадор әлчиханисидин панаһлиқ теләп, әлчиханидики бир еғизлиқ өйдин чиқмай йашимақта иди. 

әнглийә мәһкимиси ассанҗни 2010 – йилида икки айалға җинисий һуҗумда болуш билән әйибләп шиветсийәгә қайтуруп беришкә һөкүм қилған иди.

ассанҗ қайтуруп бериш қараридин кейин, 2012 – йили шевитсийәгә қайтуруп берилгән тәқдирдә америкға йолап бериш хәвпи барлиқини илгири сүрүп, иквадорниң лондондики әлчиханисидин сийасий панаһлиқ тәләп қилған иди иди.

шветсийә мәһкимиси 2017 – йилида ассанҗға алақидар делоларни әмәлдин қалдурған вә еквадорму ассанҗниң сийасий панаһлиқ илтимасини қобул қилип, еквадор пуқралиқиға өтүш һоқуқи бәргән иди.