америка 2 чәкләнгән башқурулидиған бомбини бу йил синақ қилиду
америка армийәси оттура мусапилиқ йадролуқ күчләр келишими даирисидә чәкләнгән 2 башқурулидиған бомбини бу йил синақ қилидиған болди.
түркийә авази радийоси хәвири: «Associated Press» хәвәр агентлиқиниң америка мәсуллирини мәнбә көрсәткән хәвәридә, алақидар мәсулларниң башқурулидиған бомбиларниң исмини ейтип бәрмигәнлики, бирақ бирсиниң 1000 келомтирлиқ мусапилиқ төвәндин учуш иқтидариға игә икәнликини, йәнә бирсиниң 3000 йаки 4000 келометир мусапилиқ балистик башқурулидиған бомба икәнликини ейтип бәргәнлики билдүрүлди.
һәр икки башқурулидиған бомбиниң йадро оқ беши йоқлуқи, төвәндин учуш иқтидариға игә башқурулидиған бомбиниң авғуст ейида синақ қилинидиғанлиқи вә 18 ай ичидә актип һалға кәлтүрүлидиғанлиқи қәйт қилинди.
балистик башқурулидиған бомбиниң болса, нойабир ейида синақ қилинидиғанлиқи, бирақ 5 йил ичидә актиплаштурулидиғанлиқи билдүрүлди.
америкиниң шәрқий асийа вә йавропадики иттипақдашлири билән һәр икки башқурулидиған бомба һәққидә техичә музакирилишип бақмиғанлиқи алаһидә тәкитләнгән хәвәрдә, америка армийәсиниң балистик башқурулидиған бомбини тинч окйандики гуам арилиға орунлаштуруши мумкинлики уқтурулди.
америка пирезиденти доналд трамп алдинқи йили авғуст ейида, совит иттипақи билән 1987 – йили имзаланған вә русийә федратсийә биләнму күчкә игә болған оттура мусапилиқ йардо күчләр келишимидин чекинидиғанлиқини җакарлиған иди.
бир тәрәптә америка һөкүмити русийәниң оттура мусапилиқ йардо күчләр келишимини узундин бери айақ асти қилип келиватқанлиқини сәвәб көрситип, әмәлдин қалдуридиғанлиқини елан қилса, йәнә бир тәрәптә русийә америкини келишимгә риайә қилмаслиқ билән әйиблимәктә.
