русийәму б д т ни ислаһатқа чақирди

түркийә авази радийоси хәвири: русийә ташқи ишлар министири сергей лавров вийетнамниң хо чимин шәһиридә өткүзүлгән хәлқаралиқ конферанста сөз қилип, дунйадики тәрәққий қиливатқан районларниң б д т хәвпсизлик кеңишидә вәкиллик қилиш нисбитиниң йетәрлик әмәсликини билдүрди.

у б д т хәвпсизлик кеңишиниң, асийа, африқа вә латин америкадики тәрәққий қилған районларға вәкиллик қилишта йетәрсиз икәнликини тәкитләп, кеңәштә елип берилидиған ислаһат мәсилисидә зор кечикиш болғанлиқини қәйт қилди. у мундақ деди:

«б д т хәвпсизлик кеңишиниң тәхминән үчтин бири йавропа иттипақи дөләтлиригә вәкиллик қилиду. тарихий ғәрб дөләтлириниң бу қурулма ичидә болушиниң, биз у йәрдә көрүшни халайдиған хилму хиллиққа бир нәрсә қошиду, дәп ойлимаймән.»

б д т ниң тинчлиқ вә хәвпсизлик мәсилилиригә мунасивәтлик муһим қарарларни чиқириш оргини һесаблинидиған хәвпсизлик кеңиши, бәш даимий әза вә 15 әзадин тәркип тапқан болуп, америка, әнглийә, фирансийә, русийә вә хитай бәш даимий әза дөләт һесаблиниду. бу дөләтләр тәклип лайиһәлирини өз алдиға рәт қилиш һоқуқиға игә.

түркийә җумһур рәиси рәҗәп таййип әрдоғанму «дунйа бәштин чоң» дегән шоари билән, б д т хәвпсизлик кеңишиниң ислаһат қилиниши керәкликини тәкитлимәктә.