хитай һөкүмити иванка трампниң бәш маркисини вақитлиқ тәстиқлиған

түркийә авази радийоси хәвири: хитай һөкүмити америка билән сода музакирәлири давамлишиватқан пәйтләрдә, пирезидент доналд трампниң қизи иванка трампқа тәвә бәш сода маркисини вақитлиқ тәстиқлиди.

хитай марка тәстиқлаш ишханисиниң мәлуматлириға асасланғанда, йанвар ейида иванка трампқа тәвә балиларни асираш мәркизи, қуйаш көзәйники вә пул-муамилә вастичилик қилиш хизмәтлирини өз ичигә алған бәш сода маркини ишлитишни вақитлиқ тәстиқлиған. 2016- вә 2017-йиллири илтимас қилинған мәзкур маркиларниң вақитлиқ тәстиқлиниши, 90 күн ичидә наразилиқ әрзлири болмиған тәқдирдә тәстиқлинип узун муддәтлик һалға келидикән.

мәркизи вашингтонға җайлашқан әхлақ вә мәсулийәт үчүн йуртдаш һәқ-һоқуқи вәкили җордан либовитз, пирезидент трампниң америка билән хитай оттурисида 2018-йили таможна беҗини өстүрүш билән әвҗигә чиққан сода урушиниң алдини елиш үчүн «уруш тохтитиш» ни елан қилип, музакирәләрни башлиған вақитта, мундақчә ейтқанда, сода тәстиқлириға еришиш пәйда қилған әхлақий мәсилиләр үстидә тохталди.

у: «иванка трампниң ақсарайда ишләп туруп, хитайда бунчилик көп сода марка рухситини елиши, демисиму мәсилә пәйда қилидиған әһвал. бу сода маркилириниң бириниң, дадисиниң вә өзиниң исми қойулған вәхпә үчүн елинған ианә топлаш рухсити болуши кишини биарам қилиду. болупму, өзи кеңәш һәйити әзаси болған вәхпиниң бундин илгири бир қатар қанунға хилаплиқ қилиш һәрикәтлири сәвәбидин нийу йорк баш тәптиши тәрипидин тәкшүрүлүши, кишини техиму биарам қилиду» деди.

һазир иванка трампниң хитайда тәстиқланған 36 маркиси, 20 маркини тәстиқлитиш үчүн сунған илтимаслири бар.

пирезидент трамп марка ишлирини башқурушта бивастә йаки актип орунда болмисиму, әмма сетишта қолға кәлгән киримдин пирим елиши давам қилмақта.