كەشمىردە توقۇنۇش يۈز بېرىپ 3 ئادەم ئۆلدى
جاممۇ كەشمىر رايونىدا ھىندىستان ئەسكەرلىرى بىلەن پىدائىيلار ئارىسىدا توقۇنۇش يۈز بېرىپ 3 ئادەم ئۆلدى.
1035091
تۈركىيە ئاۋازى رادىيوسى خەۋىرى: ھىندىستاننىڭ جاممۇ كەشمىر رايونىدا توقۇنۇش يۈز بېرىپ بىرى ئەسكەر بولۇپ جەمئىي 3 ئادەم ئۆلدى.
ھىندىستان تاراتقۇلىرىدا بۇ ھەقتە ئېلان قىلىنغان خەۋەرلەرگە كۆرە، ئالاقىدار مەسئۇللار ھاندۋارا، پۇلماۋا ۋە چىۋان رايونلىرىدا يۈز بەرگەن توقۇنۇشلاردا 3 ئادەمنىڭمۇ يارىلانغانلىقىنى بىلدۈرگەن.
جاممۇ كەشمىر رايونىدا ھىندىستان ئەسكەرلىرى بىلەن پىدائىيلار ئارىسىدا يۈز بەرگەن توقۇنۇشلاردا بۇ يىل ئىچىدە 241 ئادەمنىڭ ئۆلگەنلىكى تەخمىن قىلىنماقتا.
