ئامېرىكا شىمالىي كورېيەگە جەسەت ساندۇقلىرى يوللىدى

تۈركىيە ئاۋازى رادىيوسى خەۋىرى: ئامېرىكا 1950 – يىلىدىن 1953 – يىللىرىغىچە يۈز بەرگەن كورېيە ئۇرۇشى جەريانىدا ئۆلگەن ئامېرىكا ئەسكەرلىرىنىڭ قالدۇقلىرىنى قويۇش ئۈچۈن شىمالىي كورېيە چېگراسىغا جەسەت ساندۇقلىرى يوللىدى.

جەنۇبىي ۋە شىمالىي كورېيە چېگراسىدا ئۇرۇش توختىتىش يېزىسى دەپمۇ تونۇلغان پانمۇنجومغا ئېلىپ كېلىنگەن ۋاقىتلىق جەسەت ساندۇقلىرى، ئەسكەرلەرنىڭ قالدۇقلىرىنىڭ ھۆرمەت - ئېھتىرام بىلەن يۆتكىلىشى ئۈچۈن بىر قانچە كۈن ئىچىدە شىمالي كورېيە تەرىپىگە يوللىنىدىغان بولدى. 

شىمالىي كورېيەگە يوللىنىدىغان ئومۇمىي جەسەت ساندۇقلىرى سانىنىڭ 215 بولىدىغانلىقى بىلدۈرۈلدى.

ئامېرىكا پىرېزىدېنتى دونالد ترامپ بىلەن شىمالىي كورېيە رەھبىرى كىم جوڭئۇننىڭ مۇشۇ ئاي سىنگاپوردا ئېلىپ بارغان ئۇچرىشىشىدا، كورېيە ئۇرۇشىدا ئۆلگەن ئامېرىكا ئەسكەرلىرىنىڭ قالدۇقلىرىنىڭ ئامېرىكىغا ئەۋەتىلىشى ئۈچۈن كېلىشىم ھاسىل قىلىنغان ئىدى.