йапонийә баш вәзири шинзу абениң истепа беридиғанлиқи илгири сүрүлди
йапонийәниң сабиқ баш вәзири койзуми баш вәзир шинзу абениң вәзиписидин истепа беридиғанлиқини илгири сүрди.
түркийә авази радийоси хәвири: йапонийәниң сабиқ баш вәзири җуничиро койзуми һазирқи баш вәзир шинзу абениң бу йил ийун ейида вәзиписидин истепа беридиғанлиқини илгири сүрди.
йапонийәдики мәлум бир журналниң зийаритини қобул қилған койзуми баш вәзир шинзу абениң бәзи «сәтчиликләр»гә арилишип қалғанлиқи, шуңа партийәсиниң хәлқниң қоллишидин айрилип қалмаслиқи үчүн бу йил (2018) ийунда вәзиписидин истепа беридиғанлиқини илгири сүрди.
йапонийәдә дөләткә тәвә бир парчә йәрниң баш вәзир шинзу абениң рәпиқиси аке абениңму мунасивити болған бир хусусий мәктәпкә төвән баһаға сетилиши қаттиқ ғулғула пәйда қилди.
йапонийә малийә министирлиқи баш вәзир шинзу абениң рәпиқиси аке абе ашқун милләтчилик маарип сийаситини тәшәббус қилип келиватқан мәлум бир хусусий мәктәпниң мудири моритомо гакуән тәрипидин селинидиған мәктәп үчүн, дөләткә тәвә земинни сетишқа мунасивәтлик қаидә-пиринспларға түзитиш киргүзүлгәнликини тән алди.
буниңға қарита, бир қисим кишиләр абениң вәзиписидин истепа беришини тәләп қилип парламентқа йеқин җайда намайиш өткүзди.
«абе түгиди, абе истепа бәрсун»дегән мәзмунда шоарлар товланған намайишқа тәхминән 50 миң адәм қатнашти.
