seudi erebistandin tépilghan 85 ming yilliq barmaq tarixni özgertemdu - qandaq?
seudi erebistanda insaniyetning yer sharidiki köchüsh tarixini pütünley özgertip tashlaydighan mahiyetke ige tashqa aylanghan bir barmaq tépildi.
türkiye awazi radiyosi xewiri: tashqa aylanghan barmaqning tepsilatini ingilizche chiqidighan «ékiologiye we tedrijiy özgirish» zhurnilida élan qilghan tetqiqatchi, qizip tekshürüsh xizmetlirini seudi erebistanning el wusta rayonida élip barghanliqini bildürdi.
mutexessiler qoghdilip qalghan bir derya xarabiliqidin tépilghan tashqa aylanghan bu barmaqning tunji insangha ait bolushi mumkinlikini we texminen 85 ming yilliq tarixqa ige ikenlikini bildürmekte.
eger bu texmin resmiy teqdirde, ereb yérim arilida 85 ming yil ilgiri yashighan insangha tewe tunji yadikarliq bolup qalidighanliqi qeyt qilindi.
giriffit uniwérsitéti qedimiy janliqlar tetqiqatchisi juliyén loyis bu bayqashning 85 ming yildin 90 ming yil ilgiriki insanlarning afriqa we sherqiy aq déngiz rayoni sirtida yashighanliqini körsitip béridighanliqini alahide tekitlep, insanlarning 60 ming yil ilgiri bu yerdin köchkenlikige dair qarashlargha doél élan qilidighanliqini éytti.
seudi erebistan sayahet ishliri we döletlik mediniy miraslar komitétining qollap – quwwetlishi bilen dawamlishiwatqan xelqaraliq tekshürüsh etritining el wusta rayonida buningdin bashqa yene, isharet qoyulghan haywan söngekliri we tashtin yasalghan boyumlarningmu tépilghanliqi bildürüldi.
