gutérrés: tereplerning xelqara edliye sot mehkimisining qararigha riaye qilidighanliqigha ishinimen
birleshken döletler teshkilati bash katipi antonyo gutérrés munasiwetlik tereplerning xelqara edliye sot mehkimisining israiliyeni ghezzediki hujumlirini derhal toxtitishqa buyrughan qararigha qattiq riaye qilidighanliqigha ishinidighanliqini bildürdi.
türkiye awazi radiyosi xewiri: birleshken döletler teshkilati bash katipining bayanatchisi stéfan dujarrich axbarat élan qilish yighinida, dunya küntertipige dair mesililer heqqide qilghan sözide, bash katip antonyo gutérrésning xelqara edliye sot mehkimisining qararigha intayin ehmiyet béridighanliqini tekitlep mundaq dédi:
«bash katip gutérrés birleshken döletler teshkilati nizamnamesi we xelqara edliye sot mehkimisining belgilimisige asasen, xelqara edliye sot mehkimisining qararining ijra qildurush küchige ige ikenlikini eskertmekte, hemde munasiwetlik tereplerning bu qarargha qattiq riaye qilidighanliqigha ishenmekte.»
stéfan dujarrich bash katip gutérrésning xelqara edliye sot mehkimisining «éhtiyati tedbir (tedbir xaraktérlik)» qararlirigha munasiwetlik bayannameni birleshken döletler teshkilati xewpsizlik kéngishige sunidighanliqini eskertti, hemde xelqara edliye sot mehkimisining qararliri ijra qilinghan yaki qilinmighan bolushidin qetiynezer, birleshken döletler teshkilatining ghezze xelqige téximu köp insanperwerlik yardem bérish üchün dawamliq tirishchanliq körsitidighanliqini qeyt qildi.
xelqara edliye sot mehkimisi tünügün élan qilghan yéngi «éhtiyati tedbir (tedbir xaraktérlik)» qararlirida, israiliyening refahqa qaratqan hujumlirini derhal toxtitishi, insanperwerlik yardemlerni tosmasliqi we birleshken döletler teshkilati xadimlirining ghezzege kirip, israiliyening urush jinayetlirini tekshürüshige yol qoyushi kérek dep höküm chiqarghanidi.
مۇناسىۋەتلىك خەۋەرلەر
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.
