террорлуқ тәшкилати п й д / й п г әлбабға һуҗум қилди
бөлгүнчи террорлуқ тәшкилати п к к ниң сүрийәдики гумаштиси п й д / й п г ниң әлбабға қилған һуҗумида бир кичик бала һайатидин айрилди.
түркийә авази радийоси хәвири: террорлуқ тәшкилати п к к / й п г тәрипидин етилған бомба наһийә мәркизидики һикмә дохтурханисиға 150 метир келидиған пуқраларниң чедир райониға чүшти.
кәч саәт 19:30 да йүз бәргән һуҗумда 10 йашлиқ бир кичик бала көйүп һайатидин айрилди.
бирла аилидин 2 киши еғир болуп, җәмий 5 киши йаридар болди. йаридарлар дохтурханида балнестқа елинди.
әлбаб наһийәсиниң аманлиқини қоғдаватқан әркин сүрийә армийәсиниң қоманданлиридин әбу исмаил елан қилған байанатида, террорлуқ тәшкилати п к к / й п г ниң әлбабниң ғәрибидин 10 келометир узақлиқтики шәалә районидин топ йаки ракитамийут билән һуҗум қилғанлиқини ейтти.
террорлуқ тәшкилати түнүгүнму сүрийә – түркийә чеграсиға җайлашқан азәз наһийәсиниң дохтурхана райониға һуҗум қилған иди.
һуҗумда писихиологийәлик кесәлликләр бөлимидә давалиниватқан бемарлардин бирси һайатидин айрилип, 14 бемар йаридар болған иди.
مۇناسىۋەتلىك خەۋەرلەر
нигерийәдә бир җамәдә партлаш йүз берип 11 адәм қаза қилди
нигерийәниң кано өлкисидики бир җамәдә йүз бәргән партлашта 11 адәм һайатидин айрилди.
